Santa, Ilocos Sur – Arestado ng Santa Municipal Police Station ang Top 2 Most Wanted Person sa kasong paglabag sa RA 7610 nitong Martes, Hunyo 2, 2022.
Kinilala ni PLt Joseph Fieldad, Chief of Police ng Santa MPS, ang suspek na si Rodney Benavidez y Mecati, 33, nakatira sa Brgy. Rancho, Santa, Ilocos Sur.
Ayon kay PLt Fieldad, bandang 11:10 ng umaga naaresto ang suspek sa Brgy. Calungboyan, Santa, Ilocos Sur ng mga operatiba ng Santa MPS kasama ang Ilocos Sur Provincial Intelligence Unit at 4th Platoon Ilocos Sur Provincial Mobile Force Company.
Ayon pa kay PLt Fieldad, si Benavidez ay naaresto sa bisa ng Warrant of Arrest sa kasong paglabag sa Section 5 (b) ng RA 7610 na may rekomendadong piyansa na Php400,000.
Ang Santa PNP ay patuloy sa pagpapaigting ng kanilang kampanya kontra kriminalidad upang tiyakin na ligtas at payapa ang mga lugar at mamamayan na kanilang nasasakupan.
Source: Santa Municipal Police Station
###
Panulat ni Patrolman Dennis P Carinal
