Boluntaryong sumuko ang Top 2 Municipal Most Wanted Person sa kasong Attempted Murder sa ikinasang operasyon ng mga otoridad sa Barangay Kianibong, Upper Tagoloan II, Lanao del Sur nito lamang ika-6 ng Disyembre 2024.
Kinilala ni Police Lieutenant Saturnino M Encaya, Chief of Police ng Tagoloan II Municipal Police Station, ang boluntaryong sumuko na si alyas “Mikael”, 46 anyos, magsasaka at residente ng nasabing lugar.
Ayon kay PLt Encaya, boluntaryong sumuko si alyas “Mikael” sa naturang istasyon para sa kasong Attempted Murder na may piyansang Php120,000.
Ang pagsuko ni alyas “Mikael” ay patunay ng pagpapahalaga ng PNP sa pagbibigay ng pagkakataon para sa tamang proseso ng batas at sa pagpapalakas ng tiwala ng mamamayan sa awtoridad.
Patuloy na hinihikayat ng Lanao del Sur Police Provincial Office ang iba pang may kinakaharap na kaso na makipag-ugnayan at boluntaryong sumuko upang maitaguyod ang kaayusan at hustisya sa rehiyon.
Panulat ni Patrolwoman Ma. Señora Agbuya
