Medellin, Cebu – Arestado ng PNP ang Top 2 Municipal Most Wanted Person ng Medellin sa kasong Murder sa Brgy. Daanlungsod,Medellin nito lamang Martes, ika-10 ng Mayo 2022.
Kinilala ni Police Major Welther Grapa, Hepe ng Medellin Municipal Police Station, ang suspek na si Delfino Martinez Cabag Jr, alyas “Junie”, 39, residente ng nasabing barangay.
Ayon kay PMaj Grapa, matapos kumpirmahin ng mga operatiba ng Medellin MPS ang ulat patungkol sa kinaroroonan ng suspek, agad na nagsagawa ang kapulisan ng isang operasyon na humantong sa pagkakahuli nito.
Ayon pa kay PMaj Grapa, nahuli si Cabag bandang 3:30 ng hapon sa bisa ng Warrant of Arrest sa kasong Murder.
Dagdag pa ni PMaj Grapa, ang matagumpay na pagkakaaresto ng naturang suspek ay resulta ng maayos na ugnayan at pagtutulungan ng mga tauhan ng Medellin MPS, RID 7, PIU CPPO, at ng mamamayan.
Patuloy naman na hinihikayat ng PNP ang komunidad na patuloy na makipagtulungan sa mga hakbangin ng kapulisan upang tugunan at pigilan ang anumang uri ng kriminalidad sa ating mga bayan.
###
