Pangasinan – Timbog ang Top 2 Municipal Most Wanted Person sa ikinasang manhunt operations ng Bani Police Station sa Brgy. Banog Sur, Bani, Pangasinan nito lamang Lunes, Enero 23, 2023.
Kinilala ni Police Major Dennis Cabigat, Officer-In-Charge ng Bani Police Station, ang suspect na si alyas Noel, 44 at residente ng Brgy. Banog Sur, Bani, Pangasinan.
Ayon kay PMaj Cabigat, naaresto ang suspek ng mga pinagsanib puwersa ng mga operatiba ng Bani Police Station sa bisa ng Warrant of Arrest sa kasong paglabag sa RA 9262 o Anti-Violence Against Women and Their Children Act of 2004 (VAWC) na may rekomendadong piyansa na Php120,000.
Ang Bani PNP ay patuloy sa pagtugis ng mga indibidwal na may pananagutan sa batas para sa ligtas at payapang pamumuhay ng mga residente sa probinsya ng Pangasinan.
Panulat ni Patrolman Joshua A Jimenez
