Walang takas ang Top 2 Most Wanted Person sa Municipal Level matapos itong maaresto ng Aringay PNP sa Barangay Poblacion, Aringay, La Union nito lamang ika-3 ng Agosto 2024.
Kinilala ni Police Major Renato A Gacad, Acting Chief of Police ng Aringay PNP, ang suspek na si alyas “Perfecto”, 59 taong gulang, at residente ng Barangay Sto. Rosario East, Aringay, La Union.
Ayon pa kay Police Major Gacad, ang suspek ay naaresto sa bisa ng Warrant of Arrest sa kasong Rape na walang kaukulang piyansa.
Ang Aringay PNP ay nangangako na patuloy nilang gagampanan ang kanilang tungkulin at sisiguraduhin nila na walang makakalusot sa batas upang mapanatiling ligtas at malayo sa kapahamakan ang mamamayan sa kanilang nasasakupan.
Source: Aringay Municipal Police Station
Panulat ni Patrolman Viljon Comilang
