Bangar, La Union – Arestado ng PRO 1 ang Top 2 Most Wanted Person (Municipal Level) sa kasong rape sa Brgy. Paratong 4, Bangar, La Union noong ika-5 ng Agosto 2022.
Kinilala ni Police Major Dominador Apostol II, Hepe ng Bangar Police Station, ang suspek na si Ramil Bumatay y Novilla, 42, residente ng Brgy. Reyna Regente, Bangar, La Union.
Ayon kay PMaj Apostol, naaresto ang suspek bandang 4:45 ng hapon sa nabanggit na barangay ng mga operatiba ng Bangar PS, La Union Provincial Drug Enforcement Unit, La Union Maritime Police Station, Regional Intelligence Division- PRO1, La Union Provincial Intelligence Unit, La Union Provincial Investigation and Detective Management Unit at 103rd Regional Mobile Force Company.
Dagdag pa ni PMaj Apostol, naaresto ang suspek sa bisa ng Warrant of Arrest sa kasong Rape na walang rekomendadong piyansa.
Ang operasyon ng PRO 1 ay naging matagumpay dahil na din sa pakikipagtulungan ng mamamayan at mapaigting ang kampanya kontra kriminalidad para mapanagot ang mga taong may sala.
Source: Bangar Police Station
###
Panulat ni PSSg Carmela G Danguecan/RPCADU1
