Napasakamay ng mga otoridad ang isang Top 2 Most Wanted Person sa kasong Murder sa boluntaryong pagsuko nito ng kanyang mga magulang sa himpilan ng Zamboanga City Police Station 3 sa Barangay Bolong, Zamboanga City nito lamang ika- 23 ng Oktubre 2024.
Kinilala ni Police Captain Mohaliden A Layugan, Officer-In-Charge ng Zamboanga City Police Station 3, ang naarestong suspek na si alyas “Nong”, lalaki at residente ng Entrada, Barangay Bolong, Zamboanga City.
Ang suspek ay nahaharap sa kasong Murder na walang inirekomendang piyansa.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad na isang Bagong Pilipinas.
Panulat ni Patrolwoman Joyce Franco
