Ilocos Norte – Arestado ng PNP ang Top 2 Most Wanted Person sa probinsiya ng Ilocos Norte sa kasong 2 Counts ng Acts of Lasciviousness at Rape nito lamang ika-9 ng Pebrero 2023.
Kinilala ni Police Major Jomar Andres, Officer-In-Charge ng Pagudpud MPS, ang suspek na si Victor Bello y Guerrero alyas “Bong”, 52, residente ng Brgy. Ligaya, Pagudpud, Ilocos Norte.
Ayon kay PMaj Andres, bandang 06:15 ng umaga nang naaresto ang suspek sa Brgy. Ligaya, Pagudpud, Ilocos Norte ng mga operatiba ng 1st Provincial Mobile Force Company, Provincial Intelligence Unit- Ilocos Norte Police Provincial Office, 101st Mobile Company Regional Mobile Force Battalion 1.
Dagdag pa ni PMaj Andres, naaresto ang suspek sa bisa ng Warrant of Arrest sa kasong 2 counts of Acts of Lasciviousness na may rekomendadong piyansa na Php200,000 bawat isa at Rape na walang rekomendadong piyansa.
Naging matagumpay ang operasyon ng PNP dahil sa patuloy na pakikipagtulungan ng mga mamamayan sa pagpapaigting ng kampanya laban sa mga taong may pananagutan sa batas para sa tahimik at ligtas na pamayanan.
Source: Pagudpud MPS
Panulat ni PSSg Carmela G Danguecan
