Imus City, Cavite – Arestado ang Top 2 Most Wanted Person sa isinagawang manhunt operation ng Police Provincial Office 4A sa kasong Rape sa Brgy. Poblacion 4C, Imus City, Cavite nito lamang Biyernes, Setyembre 2, 2022.
Kinilala ni Police Lieutenant Colonel Jose Junar Alamo, Chief of Police ng Imus City Police Station, ang suspek na si Nicanor De Luna y Metin, alyas “Canor”, 53, may asawa, drayber, residente ng Brgy. Anilao, Bungabong, Oriental Mindoro.
Ayon kay PLtCol Alamo, dakong 11:30 ng umaga naaresto ang suspek ng pinagsanib na puwersa ng Warrant Section, Imus CPS sa pakikipag-ugnayan sa Women and Children Protection Desk, Cavite Highway Patrol Group Provincial Field Unit, Regional Intelligence Unit 4A, Cavite Provincial Intelligence Team, 401st Maneuver Company ng Regional Mobile Force Battalion 4A, Regional Intelligence Unit 4B, ORMIN Provincial Intelligence Team, Bungabong Municipal Police Station-PRO 4B at 10th PNP Special Action Force.
Naaresto ang suspek sa bisa ng Warrant of Arrest sa kasong Rape kaugnay ng RA 7610 o Special Protection of Children Against Abuse,bExploitation and Discrimination Act na walang inirekomendang piyansa.
Layunin nitong palakasin ang pagtutulungan ng bawat hanay ng pulisya sa pag-aresto sa mga wanted person na may pananagutan sa batas para sa ligtas, maayos at tahimik na pamayanan ng bawat mamamayan.
Source: Imus City Police Station
Panulat ni Police Staff Sergeant Donabel Dulin
