Northern Samar – Timbog ang isang Top 2 Most Wanted Person (Municipal Level) sa kasong Rape sa operasyon ng 804th Maneuver Company, Regional Mobile Force Battalion 8 sa Sitio Tagkas Brgy. San Nicolas, San Antonio, Northern Samar noong Biyernes, Hulyo 1, 2022.
Kinilala ni Police Lieutenant Mark Mhon T Amistoso, Officer-in-Charge ng 804th Maneuver Company ng RMFB8, ang naaresto na si Eduardo Fernandez Nolasco alyas “Eddie Boy”, 21, binata, trabahador at residente ng Barangay Acereda, Bobon, Northern Samar.
Ayon kay PLt Amistoso, bandang alas 5:00 ng hapon nang maaresto si Nolasco sa bisa ng Warrant of Arrest ng pinagsanib na pwersa ng 804th Maneuver Company ng RMFB8 sa pangunguna ni Police Lieutenant Juan Guillermo S Ebdane, Bobon Municipal Police Station, Maritime Law Enforcement Team (MLET) Northern Samar.
Ang akusado ay nahaharap sa krimeng Rape (RPC ART 226-A) na walang inirekomendang piyansa para sa kanyang pansamantalang kalayaan.
Ang Northern Samar PNP ay hindi titigil sa paghahanap at pag-aresto sa mga taong may pananagutan sa batas upang makamit ng mga biktima ang hustisya sa pamamagitan ng pakikipagtulungan at pagtitiwala ng mamamayan sa kapulisan.
###
Panulat ni Patrolwoman Rialyn B Valdez
