Naaresto ng mga tauhan ng Santol Municipal Police Station ang isang Top 2 Most Wanted Person sa Municipal Level na may kasong Acts Of Lasciviousness sa Barangay Sapdaan, Santol, La Union nitong Lunes Disyembre 2, 2024.
Kinilala ni Police Captain Lyndon L Pang-Ag, Officer-In-Charge ng Santol PNP, ang suspek na si alyas “Boy,” 32 anyos, isang magsasaka, at residente ng nasabing lugar.
Ayon kay Police Captain Pang-Ag, bandang ala-1:00 ng hapon isinagawa ang pag-aresto sa suspek sa bisa ng Warrant of Arrest para sa kasong Acts of Lasciviousness sa ilalim ng Article 336 ng Revised Penal Code in relation to Section 5(B) ng Republic Act 7610, na may piyansang nagkakahalaga ng Php180,000.
Patuloy ang pagtutok ng mga kapulisan upang masigurong mabigyan ng hustisya ang iba pang biktima ng krimen sa pamamagitan ng masigasig na operasyon laban sa mga most wanted person sa kanilang nasasakupan.
Source: Santol Municipal Police Station
Panulat ni PSSg Johndel L Supremo
