Arestado ng Imus Component City Police Station ang Top 2 Most Wanted Person sa City Level sa Barangay Anabu 2F, Imus City, Cavite nito lamang ika-24 ng Pebrero 2024.
Kinilala ni Police Lieutenant Colonel Jack Echman Angog, Chief of Police ng Imus Component City Police Station, ang suspek na si alyas “Tata”, residente ng Barangay Anabu 2F, Imus City, Cavite.
Matapos ang masusing pagsubaybay at pagmamatyag, nadakip si alyas “Tata” sa bisa ng Warrant of Arrest dahil sa kasong paglabag sa Section 11 Article 2 ng Republic Act 9165 o Comprehensive Dangerous Drugs Act of 2002 na may piyansa na Php200,000.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa mga programa ni Pangulong Ferdinand R. Marcos Jr. na magkaroon ng maunlad na bansa para sa sambayanang Pilipino tungo sa isang bagong Pilipinas.
Source: Cavite Police Provincial Office
Panunulat ni Patrolwoman Maria Sarah P Bernales
