Arestado ang tinaguriang Top 2 Most Wanted Person ng Mati City matapos maaresto sa bisa ng Warrant of Arrest na inihain noong ika-27 ng Disyembre, 2024 sa Purok Pagsilaan, Barangay Don Enrique Lopez, Mati City, Davao Oriental.
Ang operasyon ay pinangunahan ng mga tauhan ng Mati City Police Station, katuwang ang CIDG, RMFB 11, at PIU.
Ayon kay Police Major Al Anthony I. Gumban, Officer-In-Charge ng Mati City Police Station, ang suspek na si alyas “Ronie,” 26 taong gulang, manggagawa at residente ng nasabing barangay.
Inaresto ang suspek sa kasong Statutory Rape na walang piyansang inirekomenda.
Sa pamamagitan ng mga regular na operasyon, tulad ng mga raid, drug busts, at panghuhuli ng mga wanted individuals, tiniyak ng PNP na ang mga kriminal ay nahaharap sa kaukulang parusa. Kasabay nito, ang mga operasyong ito ay nagpapadala ng mensahe sa mga komunidad na walang sinuman ang makakaligtas sa batas.
Panulat ni Patrolwoman Shairra Rose A Aquino
