Zamboanga Sibugay – Arestado ang isang lalaki sa isinagawang Manhunt Charlie Operation ng Criminal Investigation and Detection Group 9 at Zamboanga Sibugay PNP sa Purok Cadena de Amor, Brgy. Poblacion, Margosatubig, Zamboanga Del Sur nito lamang Linggo, Agosto 21, 2022.
Kinilala ni Police Colonel John Francis Encinareal, Regional Chief ng Criminal Investigation and Detection Group 9, ang suspek na si Jay-r Pangilan alyas “Diosdado Pantino Jr y Monterola”, walang asawa, 35, construction worker, at residente ng Siay, Zamboanga Sibugay.
Ayon kay PCol Encinareal, bandang 2:00 ng hapon nang naaresto ang suspek ng mga operatiba ng Criminal Investigation and Detection Group 9 at Tungawan Municipal Police Station sa bisa ng Warrant of Arrest sa kasong Murder na walang inirekomendang piyansa.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
###
Panulat ni Patrolman John Ronald Tumonong/RPCADU 9
