Arestado ang Top 10 Regional Most Wanted Person sa ikinasang operasyon ng mga awtoridad sa Brgy. Bula, General Santos City nito lamang Miyerkules, ika-18 ng Enero 2024.
Ayon kay Police Brigadier General Jimili Macaraeg, Regional Director ng Police Regional Office 12, bandang 9:48 ng umaga nahuli ng Tracker Team ng General Santos City Police Station 1, kasama ang Anti-kidnapping Group at Regional Maritime Unit 12 (RMU 12) si alyas “Jane”, na residente ng naturang barangay at tinaguriang Top 10 Most Wanted Person sa Regional Level.
Inaresto ang suspek sa bisa ng Warrant of Arrest para sa kasong “Violation of Section 7, Art II, ng Comprehensive Dangerous Drugs Act of 2002 (RA 9165) na walang inirerekomendang piyansa.
Patuloy na nakikipag-ugnayan ang PNP sa komunidad upang mapadaling mahuli ang mga taong may pananagutan sa batas.
