Arestado ng mga awtoridad ang isang 29-anyos na lalaki na nahaharap sa kasong Rape sa Barangay San Miguel, Malungon, Sarangani province nito lamang Disyembre 29, 2024.
Kinilala ni Police Colonel Deanry R Francisco, Provincial Director ng Saranggani Police Provincial Office, ang suspek na si alyas “Jaypee”, residente ng nasabing lugar, at itinuturing na Top 10 Regional Most Wanted Person.
Ayon kay PCol Francisco, inaresto si “Jaypee” ng mga tauhan ng Malungon Municipal Police Station kasama ang iba pang operatiba ng Sarangani Police Provincial Office at Police Regional Office 12, sa bisa ng arrest warrant para sa kasong rape na walang piyansa.
Ang PNP ay hindi titigil sa paglaban sa mga may sala sa batas at iba pang ilegal na aktibidad para manatiling ligtas at maayos ang komunidad.
