Sumilao, Bukidnon – Timbog ang isang Top 10 Provincial Priority Target ng PNP-PDEA sa buy-bust operation nito lamang Hunyo 29, 2022.
Kinilala ni Police Colonel Jun Mark Lagare, Provincial Director ng Bukidnon Police Provincial Office, ang suspek na si Eric Dave Sumagpi y Alalid, 28 at residente ng Purok-5A, Lower Laruk, Brgy. Kisolon, Sumilao, Bukidnon at kasama sa Directorate for Intelligence Listed, Top 10 PNP at PDEA Illegal Drugs Target Provincial Level.
Ayon kay PCol Lagare, nadakip ang suspek bandang 2:13 ng madaling araw sa nabanngit na lugar sa isinagawang operasyon ng Sumilao Municipal Police Station katuwang ang Security Alliance KITMODA.
Nagsagawa ng Search and Seizure Warrant ang mga nasabing operatiba at narekober sa suspek ang iba’t ibang uri ng drug paraphernalia at pinaghihinalaang shabu na nagkakahalaga ng Php4,000.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Samantala, patuloy naman ang PNP sa pagsasagawa ng ganitong operasyon upang wakasan na ang ilegal na droga at kriminalidad sa buong bansa.
###
Panulat ni Patrolman Jomhel Tan/10
