Arestado ng mga awtoridad ang babaeng tinaguriang Top 10 Provincial Most Wanted Person sa kasong Qualified Theft sa isinagawang paghahain ng Warrant of Arrest ng GenSan PNP sa Barangay Lagao, General Santos City nito lamang Oktubre 1, 2024.
Kinilala ni Police Major Ari Noel Cardos, Station Commander ng General Santos City Police Station 3, ang naaresto na si alyas “Kate”, 25 anyos, walang asawa, walang trabaho at residente ng Barangay Buayan, General Santos City.
Naging matagumpay ang operasyon sa pagsisikap ng pinagsanib na puwersa ng mga tauhan ng General Santos City Police Station 3, 1201st Maneuver Company Tracker Team ng Regional Mobile Force Battalion 12, kasama ang RMFB 12 Intelligence Section at RID STT Bravo na nagresulta ng pagkadakip ng suspek.
Titiyakin ng PNP na magkaroon ng hustisya ang mga biktima at patuloy na maipapatupad ang batas at hindi titigil sa pagsasagawa ng mga operasyon para matiyak ang ligtas at maayos na komunidad.
