Pangasinan – Arestado ng Subic PNP at Burgos PNP ang Top10 Provincial Most Wanted Person sa kasong paglabag sa RA 10591 matapos ipinatupad ang Warrant of Arrest sa Brgy. San Vicente, Burgos, Pangasinan nito lamang Martes, ika-20 ng Hunyo 2023.
Ang naturang operasyon ay pinamunuan ni Police Lieutenant Colonel Rommel Geneblazo, Chief of Police ng Subic Police Station katuwang ang Burgos Municipal Police Station at kinilala ang akusado na si alyas “Cris”, 44, magsasaka, residente ng naturang barangay.
Nahaharap sa kasong paglabag sa RA 10591 o Comprehensive Firearms and Ammunition Regulation Act ang suspek na mayroong Php100,000 piyansang inirekomenda.
Paalala ng Subic PNP na sumunod sa mga ipinatutupad na batas na kung saan ang mga lalabag dito ay may karampatang parusa na kahaharapin.
Source: Subic Police Station
Panulat ni Police Corporal Jeselle V Rivera/RPCADU3
