Davao del Norte – Arestado ang isang lalaki sa patuloy na isinasagawang Manhunt Charlie operation ng tauhan ng PNP sa Brgy. Tulalian, Santo Tomas, Davao del Norte, noong Nobyembre 2, 2022.
Kinilala ni Police Major Rodante Varona, Acting Chief of Police ng Santo Tomas Municipal Police Station, ang suspek na si alyas “Joseph”, 51, residente ng Brgy. Tibal-og, Santo Tomas, Davao del Norte na tinaguriang Top 10 Provincial Most Wanted Person.
Ayon kay PMaj Varona, inaresto ang suspek sa bisa ng Warrant of Arrest sa kasong Homicide na inihain ng pinagsamang tauhan ng Sto. Tomas MPS at Regional Intelligence Unit 11-Davao del Norte.
Ang pagkakadakip sa suspek ay resulta ng patuloy na pagsisikap ng Police Regional Office 11 na hulihin ang mga wanted person sa rehiyon onse sa tulong na ibinibigay ng mga mamamayan sa kapulisan ay makakamit ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara
