Arestado ang Top 10 Provincial Most Wanted Person sa ikinasang manhunt operation ng mga awtoridad sa Brgy. Nuro, Upi, Maguindanao del Norte nito lamang ika-1 ng Pebrero 2024.
Kinilala ni Police Major Brian Balite, Chief of Police ng Upi Municipal Police Station, ang suspek na si alyas “Jong”, 66, residente ng nasabing lugar.
Naging matagumpay ang ikinasang operasyon dahil sa pinagsanib na pwersa ng Upi PNP katuwang ang 1st Maneuver Platoon, 1st Provincial Mobile Force Company Maguindanao del Norte, Criminal Investigation and Detention Group Regional Field Unit BAR, Provincial Investigation Unit at Provincial Investigation and Detention Management Unit Maguindanao Police Provincial Office.
Naaresto ang suspek sa bisa ng Warrant of Arrest sa kasong paglabag sa Republic Act 8353 o “The Anti-Rape Law of 1997” na walang inirekomendang pyansa.
Ang nasabing akusado ay nakatala sa E-Warrant System bilang Top 1 Municipal MWP ng Upi PNP at Top 10 Provincial MWP ng Maguindanao del Norte PPO.
Patuloy naman ang Pambansang Pulisya ng Pilipinas sa paghikayat sa mamamayan na makipagtulungan sa mga awtoridad para makamit ang isang maayos at maunlad na bansa.
Panulat ni Patrolwoman Ma. Señora Agbuya
