Oroquieta City – Tiklo sa ikinasang joint buy-bust operation ng mga awtoridad ang Top 10 Provincial Level PNP/PDEA Target List (High Value Individual) sa Purok 4, Brgy. Mobod, Oroquieta City, Misamis Occidental nito lamang ika-20 ng Hunyo 2023.
Kinilala ni Police Major Jenrech Hilot, Officer-In-Charge ng Oroquieta City Police Staion, ang suspek na si alyas “Boloy”, 34 anyos at residente ng nasabing lugar.
Naaresto ang Top 10 High Value Target na suspek bandang 6:25 ng gabi sa ikinasang joint buy-bust operation ng Oroquieta City PNP – Station Drug Enforcement Unit katuwang ang Provincial Police Drug Enforcement Unit, Provincial Intelligence Team, Regional Intelligence Unit 10 at Philippine Drug Enforcement Agency 10.
Sa naturang operasyon ay nakuha sa suspek ang nasa mahigit 13 na pakete ng hinihinalang shabu na may bigat na isang gramo na may Standard Drug Price na Php6,800; isang motorsiklo; isang Oppo Cellphone at Cal. 45 Pistol na may serial no. 110341 na may 12 na bala at dalawang magazine.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Patuloy ang Oroquieta City PNP na makikipagtulungan at magsasagawa ng mga operasyon laban sa mga gumagawa ng mga ilegal na aktibidad sa kanilang nasasakupan para mapanatiling payapa at maayos ang buong probinsya ng Misamis Occidental.
Patrolman Joshua Fajardo/RPCADU10
