San Carlos City, Pangasinan – Arestado ng San Carlos City Police Station ang Top 10 Most Wanted Person ng Provincial Level dahil sa kasong Rape sa isinagawang manhunt operation sa Brgy. Torre 1st, Mangatarem, Pangasinan nitong Sabado, Mayo 23, 2022.
Kinilala ni Police Lieutenant Colonel Luis Ventura Jr, Chief of Police ng San Carlos CPS ang suspek na si Benedict Delos Santos y Malasan alyas “Benidict Moreno y Malasan”, 23, residente ng Sitio Estanguero, Brgy. Bolingit, Pangasinan.
Ayon kay PLtCol Ventura Jr., naaresto ang suspek sa pinagsanib puwersa ng San Carlos CPS, Provincial Intelligence Unit, Provincial Investigation and Detective Management Unit Pangasinan PPO, Regional Intelligence Unit 1 at Regional Intelligence Division PRO 1.
Dagdag pa ni PLtCol Ventura Jr., naaresto ang suspek sa bisa ng Warrant of Arrest sa kasong Rape na walang nirekomendang piyansa.
Ang tagumpay ng PNP laban sa mga taong may pananagutan sa batas ay bunga ng pakikipagtulungan at pakikiisa ng mamamayan at ng bawat tauhan ng nasabing istasyon.
Source: San Carlos City Police Station
###
Panulat ni Patrolman Joshua A Jimenez
