Quezon City — Timbog ang isang lalaki na Top 10 Most Wanted Person ng Quezon City Police District (QCPD) sa kasong Carnapping nito lamang Miyerkules, Abril 26, 2023.
Ayon kay PBGen Nicolas Torre lll, District Director ng QCPD, nadakip ang suspek na kinilalang si Joselito, 54 at residente ng No.136 Everlasting St., Payatas, Quezon City.
Ayon kay PBGen Torre III, naaresto ang suspek sa bisa ng Warrant of Arrest sa kasong Carnapping ng mga operatiba ng Criminal Investigation and Detection Unit (CIDU), dakong alas-9:30 ng gabi sa No.136 Everlasting St., Payatas, Quezon City.
Pinuri ni PBGen Torre III, ang mga miyembro ng CIDU tracker team para sa kanilang pagpupursigi na hulihin ang mga pugante at iba pang nagtatago sa batas. Aniya, “Tuloy-tuloy lang ang ating operasyon laban sa mga wanted persons para harapin nila kung anumang karampatang parusa para sa kanilang nagawang kamalian.”
Source: PIO QCPD
Panulat ni PSSg Remelin M Gargantos
