Rizal — Arestado ang Top 10 Most Wanted Person sa Regional Level sa CALABARZON sa joint police operation ng kapulisan nito lamang Sabado, Setyembre 2, 2023.
Kinilala ni PBGen Jose Melencio C Nartatez Jr, Regional Director ng NCRPO, ang akusado na si Rhudolf, lalaki, 40 taong gulang.
Ayon kay PBGen Nartatez Jr, nagsagawa ng manhunt operation ang pinagsanib puwersa ng Quezon City Police District (QCPD) – Police Station 8 kasama ang Criminal Investigation and Detection Group (CIDG) – Rizal Provincial Field Unit, 3SAB 34th SAC PNP Special Action Force (SAF), at mga tauhan ng Taytay Municipal Police Station, dakong 12:10 ng tanghali, sa kahabaan ng B418 Salazar St. Kalayaan Park, Taytay Rizal, kung saan naaresto ang akusado sa bisa ng Warrant of Arrest.
Si Rhudolf ay may nakabinbing Warrant of Arrest para sa Qualified Statutory Rape na kaugnay sa Republic Act 8369 (2 counts) na walang piyansang inirekomenda.
Sa panahon ng pagdakip, ipinaalam sa akusado ang uri ng pagkakaaresto sa kanya at ang kanyang mga karapatan sa konstitusyon sa isang wika (Filipino) na kilala at naiintindihan niya.
“Pinupuri ko ang ating mga operatiba sa pagdakip sa akusado na ito na nagtatago sa mga bisig ng batas. Kami, sa NCRPO, ay magpapatuloy sa aming koordinasyon at pakikipagtulungan sa iba pang mga yunit upang matiyak na ang mga nagtatago sa batas ay malalagay sa likod ng mga rehas,” ani PBGen Nartatez.
Source: PIO NCRPO
Panulat ni PSSg Remelin M Gargantos
