Oriental Mindoro – Arestado ang isang Top 10 Most Wanted Person sa isinagawang operasyon ng Oriental Mindoro PNP sa Sitio Calumpit, Barangay Balao, Abra De Ilog, Occidental Mindoro noong Agosto 23, 2022.
Kinilala ni Police Colonel Jun Dexter Danao, Officer-In-Charge ng Occidental Mindoro Police Provincial Office, ang suspek na si alyas “Tingaw” at residente ng Sitio Calumpit, Barangay Balao, Abra De Ilog, Occidental Mindoro.
Ayon kay PCol Danao, ang nasabing pag-aresto ay isinagawa ng mga tauhan ng Abra De Ilog Municipal Police Station sa pakikipagtulungan ng San Teodoro Municipal Police Station at ng Oriental Mindoro Police Provincial Office.
Ayon pa kay PCol Danao, naaresto ang suspek sa bisa ng Warrant of Arrest sa kasong paglabag sa Republic Act 10591 o An Act Providing for a Comprehensive Law on Firearms and Ammunitions and Providing Penalties for Violations Thereof na may inirekomendang piyansa na Php120,000.
Ang Pambansang Pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan ng mamamayan at ng bansa.
Source: Occidental Mindoro PPO
###
Panulat ni Police Corporal Gerald Manlincon
