Arestado ang isang tatay na tinuturing na Top 10 Most Wanted Person sa Women and Children Protection Desk (WCPD) sa Rehiyon Dos sa Bayan ng Aglipay, Quirino noong ika-2 ng Oktubre 2021.
Ang suspek ay kinilalang si Rufino Kimmayong, 49 taong gulang, may asawa, magsasaka, at residente ng Purok 5, San Benigno, Aglipay, Quirino.
Nagpag-alaman na ang suspek ay pauli-ulit na ginagahasa ang kanyang 11 taong gulang na anak noong nakaraang taon.
Ang matagumpay na pagkakadakip kay Kimmayong ay mula sa patuloy na pagmanman at pagsubaybay ng Barangay Intelligence Network (BIN) sa ilalim ng Aglipay Police Station, sa tulong ng Quirino Provincial Intelligence Unit, Quirino Police Provincial Office, Regional Intelligence Unit 2, CIDG Team Quirino, 1st Quirino Provincial Mobile Force Company, at 142SAC, 14SAB, PNP SAF.
Naaresto ang suspek sa bisa ng Warrant of Arrest na inilabas ni Judge Remalie Corbe-Cardenas ng RTC Branch 32 sa Bayan ng Cabarroguis, Quirino sa petsa ng ika-24 ng Pebrero 2021 para sa four (4) counts of Rape sa ilalim ng Criminal Case Numbers 4054-2021, 4055-2021, 4056-2021.
Sa ngayon, Si Kimmayong ay nasa kustodiya ng Aglipay Police Station at nakatakda ng ilipat sa Bureau of Jail Management and Penology sa Cabarroguis, Quirino.
Pinuri ni PBGEn Ludan ang pagkakahuli sa suspek at kanyang binigyang-diin na magpapatuloy at mas lalong paiigtingin ang mga operasyong kontra kriminalidad upang mahuli at makulong ang mga taong lumabag sa batas. Hinikayat din niya ang taumbayan na maki-isa at pakipagtulungan sa mga kapulisan sa mga programa kontra kriminalidad at magbigay impormasyon sa pinakamalapit na istasyon ng pulisya sa kanilang lugar.
Source: RPIO 2
####
Article by Police Corporal Carla Mae P CanapiÂ
