Bukidnon – Nasakote ang Top 10 High Value Individual PNP/PDEA Provincial Target sa isinagawang buy-bust operation ng mga operatiba ng Malaybalay City Police Station sa Purok 2, Brgy. 8, Malaybalay City, Bukidnon bandang 7:58 ng gabi nito lamang Sabado, ika-28 ng Enero 2023.
Kinilala ni Police Lieutenant Colonel Ritchie Salva, Officer-In-Charge ng Malaybalay City Police Station, ang suspek na si alyas “Shea”, 30, residente ng Purok 4, Brgy. 9, Malaybalay City, Bukidnon at kailang sa Top 10 High Value Target sa PNP/PDEA Provincial Level.
Nakuha mula sa suspek ang anim na pekete ng hinihinalang shabu na may bigat na 2 gramo na may Standard Drug Price na Php13,600; isang green lighter at isang pirasong Php500 bill na ginamit bilang buy-bust money.
Nahaharap ang suspek sa kasong paglabag sa Sec 5, Art II ng RA no. 9165 o Comprehensive Dangerous Drugs Act 2002.
Ang matagumpay na operasyon ng Malaybalay PNP ay bunga ng pakikipagtulungan ng komunidad para sa pagpapanatili na maging maayos at payapa ang kanilang nasasakupan na magdadala sa kaunlaran.
Panulat ni Patrolman Joshua Fajardo/RPCADU10
