Arestado sa pinaigting na manhunt operation ng Pasig City Police Station ang tinaguriang Top 10 Most Wanted Person sa District Level para sa kasong paglabag sa Republic Act 9165 nito lamang Sabado, Setyembre 28, 2024.
Kinilala ni Police Colonel Hendrix B Mangaldan, Acting Chief of Police ng Eastern Police District, ang suspek na si alyas “Alex”, 18 taon gulang, construction worker at residente ng Barangay Kalawaan, Pasig City.
Ayon kay PCol Mangaldan, naganap dakong 4:15 ng hapon ang operasyon sa kahabaan ng Talisay Street, Barangay Kalawaan, Pasig City, sa pangunguna ng mga tauhan ng Pasig CPS Warrant and Subpoena Section at matagumpay na isinilbi ang Warrant of Arrest laban sa suspek para sa paglabag sa Section 11, Art. II ng RA 8369.
Pinuri naman ni PCol Mangaldan ang mga operating personnel para sa kanilang dedikasyon at walang humpay na pagsisikap sa kampanya ng PNP laban sa mga wanted persons upang dalhin sa kulungan at panagutin sa mga krimen na kanilang nagawa.
Source: Pasig City Police Station
Panulat ni PSSg Remelin Gargantos
