Davao City – Arestado ang isang drug personality sa isinagawang buy-bust operation ng Sasa PNP sa Km 11 Davao City nito lamang Agosto 18, 2023.
Kinilala ni Police Major Jake Goles, Station Commander ng Sasa Police Station, ang suspek na si alyas “Masoy”, 46, residente ng Zone 5, Km 11, Sasa, Davao City na tinaguriang Top 10 City Level High Value Individual.
Naaresto ang suspek ng pinagsamang tauhan ng Sasa Police Station at Davao City Maritime Police Station katuwang ang PDEA XI.
Nakuha mula sa suspek ang ilang pakete ng hinihinalang shabu na may bigat na humigit kumulang na 0.34 gramo na may street market value na Php 5,440 at marked money na ginamit sa operasyon.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Pinuri naman ni Police Brigadier General Alden Delvo, Regional Director ng Police Regional Office 11, ang nasabing operasyon dahil sa matagumpay na pagkakadakip sa suspek na lalong maglalapit sa kanilang layunin na gawing drug-free ang Rehiyong Onse.
Panulat ni Patrolman Alfred Vergara
