Arestado ang Top 10 Most Wanted Person sa City Level sa kasong Homicide sa isinagawang operasyon ng mga otoridad sa Purok 6, Barangay Hinaplanon, Iligan City nito lamang Enero 14, 2025.
Kinilala ni Police Captain Reiner R Escalante, Officer-In-Charge ng Iligan City Police Station 1, ang suspek na si alyas “Nan”, 45 anyos, lalaki, engine mechanic at residente ng Barangay Pugaan, Iligan City.
Bandang 12:30 ng hapon nang ikinasa ang operasyon na nagresulta sa pagkakaaresto sa suspect sa bisa ng Warrant of Arrest sa kasong Homicide na may rekomendadong piyansa na Php120,000.
Patuloy ang Iligan City PNP sa pagsagawa ng mga operasyon upang mahuli ang mga may sala sa batas at mapanatili ang ligtas at payapang komunidad.
