Arestado ang Top 10 City Most Wanted Person ng mga operatiba ng Maa Police Station sa Sarimoro Compound, Barangay Coronon, Sta. Cruz, Davao del Sur nito lamang Setyembre 6, 2024.
Kinilala ni Police Major Elfren N Barredo, Acting Station Commander ng Maa Police Station, ang suspek na si alyas “Christine”, 35 anyos at residente ng 9 Hemingway Road, Monteritz, Barangay Magtuod, Davao City.
Ayon pa kay PMaj Barredo, naaresto ang suspek sa bisa ng Warrant of Arrest na inihain ng pinagsanib na puwersa ng nasabing estasyon, CIDG-Davao Sur PFU, 1105th MC RMFB 11 at Davao City Maritime Police Station.
Nahaharap sa kasong tatlong bilang ng Qualified Theft ang suspek na may inirekomendang piyansang Php864,000.
Samantala ang Police Regional Office 11 sa pamumuno ni Regional Director Police Brigadier General Nicolas D Torre III ay patuloy na nagsasagawa ng manhunt operation upang hulihin at mapanagot ang lahat ng wanted persons sa rehiyon onse.
Panulat ni Patrolwoman Shairra Rose A Aquino
