Davao City – Arestado ang isang drug personality sa isinagawang buy-bust operation ng PNP sa Sitio Mingli Biao Escuela, Tugbok District, Davao City, noong Hulyo 13, 2023.
Kinilala ni Police Major Jonnel Bonguyan, Station Commander ng Eden Police Station, ang suspek na si alyas “Bayang”, 43, residente ng nasabing lugar na tinaguriang Top 10 High Value Individual sa City level.
Ayon kay PMaj Bonguyan, inaresto ang suspek matapos mahuli sa akto ng pagbebenta ng ilegal na droga sa nagpanggap na poseur buyer na tauhan ng Eden PS.
Dagdag pa ni PMaj Bonguyan, nakuha mula sa suspek ang ilang pakete ng hinihinalang shabu na may bigat na humigit kumulang na 10 gramo at may street market value na Php160,160 at ang marked money na ginamit sa operasyon.
Kasong paglabag sa Republic Act 9165 o Comprehensive Dangerous Drugs Act of 2002 ang isinampa laban sa suspek.
Ang laban kontra ilegal na droga sa Rehiyon Onse ay lalo pang pinalakas ng Police Regional Office 11 upang hulihin ang lahat ng lumalabag rito sa pamumuno ni PBGen Alden Delvo, PRO11 Regional Director.
Panulat ni Patrolman Alfred Vergara
