Arestado ang Top 10 City High Value Individual sa isinagawang buy-bust operation nito lamang ika-22 ng Hunyo 2024 sa Purok Sto. Niño, Barangay Indangan, Buhangin District, Davao City.
Kinilala ni Police Captain Rizalito L Clapiz III, Officer-In-Charge ng Sta. Ana Police Station, ang suspek na si alyas “Part”, 26 anyos at residente ng Sitio Lambo, Barangay Indangan, Davao City.
Narekober mula sa suspek ang humigit kumulang 6 gramo ng hinihinalang shabu na may Standard Drug Price na Php40,800, isang cellphone, coin purse, buy-bust money at isang yunit ng minivan transformer.
Nahaharap sa kasong paglabag sa Republic Act 9165 o Comprehensive Dangerous Drugs Act of 2002 ang suspek.
Samantala, ang laban kontra kriminalidad ay patuloy na pinapaigting ng Police Regional Office 11 sa pamumuno ni Regional Director Police Brigadier Nicolas D Torre III, alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
