Walang palag sa mga awtoridad ang tinaguriang Top 1 Station Most Wanted Person na may kasong Murder matapos mahuli sa Barangay Cogon, Ormoc City nito lamang Oktubre 01, 2024.
Kinilala ni Police Captain Flora Mae L Molina, Officer-In-Charge ng Ormoc City Police Station 1, ang suspek na si alyas “Glen”, 34 anyos, construction worker at residente ng Barangay Can Adieng, Ormoc City.
Naaresto ang suspek bandang 5:32 ng hapon ng mga tauhan ng Ormoc City Police Station 1 sa bisa ng Warrant of Arrest para sa kasong Murder na walang piyansa.
Patunay lamang na ang Ormoc City PNP ay patuloy sa pagpapatupad sa kanilang sinumpaang tungkulin kontra sa lahat ng uri ng kriminalidad upang magkaroon ng maunlad na bansa para sa sambayanang Pilipino tungo sa isang Bagong Pilipinas.
Panulat ni Patrolwoman Ma. Elena B Singian
