Camp Col Rafael C Rodriguez, Butuan City – Naaresto ang Top 1 Regional Most Wanted Person sa isinagawang Manhunt Operation sa Purok-Tamprut, Brgy. Poblacion, Compostela, Cebu nito lamang Sabado, Nobyembre 19, 2022.
Kinilala ni Police Brigadier General Pablo Labra II, Regional Director ng Police Regional Office 13, ang nadakip na si alyas “Bakang”, 30, residente ng Purok-1, Brgy. Amontay, Nasipit, Agusan del Norte.
Ayon kay PBGen Labra, bandang 4:35 ng hapon nang naaresto si alyas “Bakang” ng mga tauhan ng Butuan City Police Office-City Intelligence Unit at Compostela Municipal Police Station sa pamamagitan ng Warrant of Arrest sa kasong Murder na walang nirekomendang piyansa.
Patuloy naman ang pagpupursigi ng Caraga PNP na mapanagot ang mga may pananagutan sa batas upang mabigyang hustisya ang mga naging biktima at mapangalagaan ang komunidad.
Panulat ni Patrolman Jhunel Cadapan/RPCADU13
