La Union – Timbog ng pulisya ang Top 1 Most Wanted Person sa Regional Level ng National Capital Region Police Office sa Aringay, La Union, nito lamang ika-21 ng Oktubre 2023.
Kinilala ni Police Major Antonio Dasalla Jr, Hepe ng Aringay PNP, ang suspek na si Jordan, 32, residente ng 884 Palawan Street, Sampaloc, Manila.
Ayon kay Police Major Dasalla Jr, naaresto ang suspek bandang 1:20 ng tanghali sa Brgy. Poblacion, Aringay, La Union ng pinagsanib na pwersa ng Aringay PNP bilang lead unit, RIU NCRPO, ATS-RID NCRPO, DID QCPD, RID 1, RIU, 2nd LUPMFC, LUPIU, LUPIDMU at Tubao PNP.
Ang suspek ay may Warrant of Arrest sa kasong Murder na walang rekomendadong piyansa.
Ang matagumpay na operasyon ng PRO1 at NCRPO ay sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas.
Source: Aringay Municipal Police Station
Panulat ni Patrolman Viljon Anthony A Comilang
