Palawan – Timbog ang Top 1 Regional Most Wanted Person sa isinagawang operasyon ng mga tauhan ng Aborlan Municipal Police Station sa Purok Masikap, Brgy. Tigman, Aborlan, Palawan noong ika-18 ng Hunyo 2023.
Kinilala ni Police Major Reginal Manalo, Officer-In-Charge ng Aborlan MPS, ang suspek na si “John Cedric”, residente ng nasabing lugar.
Ayon kay PMaj Manalo, naaresto ang suspek sa bisa ng Warrant of Arrest sa kasong paglabag sa RA 7610, na may inirekomendang piyansa na Php100,000; Grave Coercion, na may inirekomendang piyansa na Php36,000; at anim na beses na Statutory Rape na walang inirekomendang piyansa.
Pinuri naman ni Police Brigadier General Joel Doria, Regional Director ng PRO MIMAROPA ang mga operating unit para sa matagumpay na pagkakaaresto sa Top 1 Most Wanted Person sa MIMAROPA.
“Ang operasyong ito ay isang patunay ng walang humpay na pagsisikap at walang patid na dedikasyon ng ating mga tauhan ng pagpapatupad ng batas sa pagtiyak ng kaligtasan at seguridad ng ating mga komunidad. Hinihimok ko ang lahat na ipagpatuloy ang kanilang pagbabantay at pagtutulungan sa paglaban sa kriminalidad sa ating rehiyon,” ani pa ni PBGen Doria.
Panulat ni Patrolman Erwin Calaus
