Cebu – Nadakip ang tinaguriang Top 1 Most Wanted Person ng Cebu sa kasong Rape sa paghahain ng Warrant of Arrest ng mga operatiba ng Police Station 9 ng Cebu City Police Office sa pakikipag-ugnayan sa mga tauhan ng Carcar City Police Station, noong Huwebes, Marso 2, 2023.
Ayon kay Police Major Armando Labora, Station Commander ng Police Station 9, bandang alas-2:15 ng hapon nang ihain ng mga awtoridad ang Warrant of Arrest sa akusado na kinilalang si Romulo Resurreccion alyas “Tatay”, 74, sa kanyang tinitirahan sa Sitio Kawayan, Banawa, Brgy. Guadalupe, Cebu City.
Ang suspek ay nahuli sa bisa ng Warrant of Arrest sa kasong Rape sa ilalim ng Art. 266-A Par. 1 (D) at Par. 2 ng Revised Penal Code na inamiyendahan ng RA 8353 kaugnay sa RA 7610; at Acts of Lasciviousness sa ilalim ng Art. 366 ng Revised Penal Code kaugnay sa Sec. 5(B) ng RA 7610.
Patuloy naman ang pagpapatupad ng kapulisan ng lungsod ng kanilang mandato at paghahatid ng tapat at maayos na serbisyo sa pagsusulong ng kaayusan at kapayapaan ng komunidad.
