Davao Oriental – Arestado ang tinaguring Top 1 Most Wanted Person sa probinsya ng Antique matapos ang isinagawang manhunt charlie operation ng pinagsamang pwersa ng Caluya MPS, Banaybanay MPS, Davao Oriental, PIU Antique PPO at PIT-RIU6 sa Prk 6, Barangay Poblacion, Banaybanay, Davao Oriental nitong ika-24 ng Agosto 2023.
Kinilala ni Police Major Rex Farren, Hepe ng Caluya Municipal Police Station, ang naarestong akusado na si alyas “Jerry”, 50, na residente ng Prk 6, Barangay Poblacion, Banaybanay, Davao Oriental, tinuturing na Top 8 MWP sa rehiyon 6 at Top 1 MWP naman sa probinsya ng Antique.
Ang akusado ay inaresto bandang 6:30 ng hapon sa bisa ng Warrant of Arrest para sa kasong Rape na walang inirekomendang piyansa.
Sa ngayon ay pansamantalang nasa kustodiya na Banaybanay MPS, Davao Oriental ang akusado bago pa ito i-turn over sa court of origin.
Samantala, ang Antique PNP ay patuloy sa kanilang isinasagawang operasyon laban sa mga Most Wanted Person upang mahuli ang mga ito at panagutin ng pagkakasala sa batas upang mabigyan ng hustisya ang kanilang mga nabiktima.
