Arestado ang isang Top 1 Most Wanted Person sa Provincial Level sa kasong Murder; 3 Counts of Frustrated Murder; 8 Counts of Attempted Murder sa isinagawang operasyon ng mga otoridad sa Purok 5, Barangay Labuan, Zamboanga City nito lamang ika-15 ng Setyembre 2024.
Kinilala ni Police Brigadier General Bowenn Joey M Masauding, Regional Director ng Police Regional Office 9, ang naarestong suspek na si alyas “Albani”, 47 anyos, lalaki at residente ng Proper Lintawan Sibuco, Zamboanga Del Norte.
Ang suspek ay mahaharap sa kasong 1 Count of Murder na may piyansang Php200,000: 3 Counts of Frustrated Murder; 8 Counts of Attempted Murder na may piyansa na nagkakahalaga ng Php960,000.
Patunay lamang na ang Pambansang Pulisya ng Pilipinas katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad na isang Bagong Pilipinas.
Panulat ni Pat Joyce Franco
