Arestado ang isang Top 1 Provincial Most Wanted Person sa kaso nitong 5 counts na Statutory Rape sa isinagawang operasyon ng pulisya sa Sta. Ana, Cagayan noong ika-24 ng Pebrero 2024.
Kinilala ni Police Captain Ranolfo S Gabatin, Officer-In-Charge ng Sta. Ana Police Station, ang suspek na si alyas “Johny”, 22, binata, isang construction worker, residente ng Sta. Ana, Cagayan.
Ang suspek ay nadakip sa bisa ng Warrant of Arrest ng pinagsamang pwersa ng Sta. Ana Police Station at 4th Mobile Force Platoon, 2nd Cagayan Mobile Force Company.
Walang humpay ang operasyon ng pulisya kontra kriminalidad at masawata ang mga taong lumalabag sa batas at bigyan ng hustisya ang kanilang mga naging biktima tungo sa isang payapa at ligtas na komunidad tungo sa bagong Pilipinas.
Source: Cagayan Police Provincial Office
Panulat ni Pat Jerilyn A Colico
