Pangasinan – Arestado ang Top 1 Provincial Most Wanted Person sa ikinasang Manhunt Charlie Operation ng mga operatiba ng Police Regional Office 1 nitong ika-27 ng Enero 2023.
Kinilala ni Police Captain Hermie Raymundo, Hepe ng Basista Municipal Police Station, ang suspek na si alyas Mark, 34 at residente ng Brgy. Navatat, Basista, Pangasinan.
Ayon kay PCpt Raymundo, naaresto ang suspek sa bisa ng Warrant of Arrest sa kasong paglabag ng Sections 11 at 12 ng RA 9165 o Comprehensive Dangerous Drugs Act of 2002 na may inirekomendang piyansa na Php200,000.
Ayon pa kay PCpt Raymundo, naaresto ang suspek ng pinagsanib na tauhan ng Basista Municipal Police Station, Provincial Intelligence Unit at Provincial Investigation, Detective and Management Unit ng Pangasinan Provincial Police Office, Regional Intelligence Unit at 105th Maneuver Company ng Regional Mobile Force Battalion ng Police Regional Office 1.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin upang mabigyan ang mga mamamayan ng mas ligtas at mas payapang komunidad.
Source: Basista Municipal Police Station
Panulat ni PSSg Bader Ceasar B. Ayco
