Cebu – Arestado ng pinagsanib na puwersa ng mga operatiba ng Cebu City Mobile Force Company (CMFC), Criminal Investigation and Detection Group (CIDG) Mandaue Field Unit at Liloan Police Station ang tinaguriang Top 1 Most Wanted Person ng Cebu kasunod ng paghahain ng Arrest Warrant sa kasong “2 Counts of Rape” at “Acts of Lasciviousness” noong Mayo 10, 2023 sa Tawasan, Brgy. Catarman, Liloan, Cebu.
Kinilala ni Force Commander Cebu CMFC, Police Lieutenant Colonel Dexter Calacar, ang akusado na si ‘’Steven”, 20, residente ng nabanggit na lugar.
Dakong alas-11:05 ng umaga ng maaresto ang akusado sa bisa ng Warrant of Arrest.
Ang tagumpay na pagkakadakip ng akusado ay isang patunay sa mahusay at walang humpay na kampanya ng kapulisan sa lahat ng uri ng kriminalidad.
