Pangantucan, Bukidnon – Tiklo ang Top 1 PNP/PDEA Regional List na High Value Individual sa bisa ng Search Warrant Operation ng Bukidnon PNP nito lamang ika-20 ng Nobyembre 2022.
Kinilala ni Police Colonel Reynante Reyes, Provincial Director ng Bukidnon Police Provincial Office, ang naarestong suspek na si alyas “Boydik”, 51, High Value Individual at residente ng Maharlika Village, Poblacion, Pangantucan, Bukidnon.
Ayon kay PCol Reyes, bandang 5:50 ng hapon nang naaresto ang suspek sa Maharlika Village, Poblacion, Pangantucan, Bukidnon ng mga operatiba ng Bukidnon Drug Enforcement Unit at Pangantucan Municipal Police Station.
Ayon pa kay PCol Reyes, nakumpiska sa suspek ang 10 pakete ng hinihinalang shabu na may bigat na 5 gramo na nagkakahalaga ng Ph34,000, apat na pirasong aluminum foil, dalawang improvised na bamboo sealer, tatlong pirasong LCC Lighter, pitong pirasong aluminum foil tooter, isang roll ng aluminum foil, dalawang piraso ng pakete na may lamang drug paraphernalia.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Tiniyak ni PCol Reyes na ang Bukidnon PNP ay patuloy na paiigtingin ang mga operasyon laban sa ilegal na droga para pagpapanatili ng kaayusan at kapayapaan sa kanyang nasasakupang probinsya.
Panulat ni Patrolman Joshua Fajardo/RPCADU 10
