Iligan City – Timbog ang Top 1 Municipal Most Wanted Person sa kasong Rape sa isinagawang Simultaneous Manhunt Charlie Operation o SIMACHO ng mga awtoridad nito lamang Mayo 9, 2023 sa Purok Kugihon, Bayug Island, Barangay Hinaplanon, Iligan City.
Kinilala ni Police Major Felix Rabago Jr., Station Commander ng Iligan City Police Station 5, ang suspek na si alyas “Roque”, 53 at residente ng nasabing lugar.
Ayon kay PMaj Rabago Jr., naaresto ang suspek sa pinagsamang pwersa ng Iligan City Police Station 5 katuwang ang City Intelligence Unit at Enrique Villanueva PNP ng Police Regional Office 7 sa bisa ng Warrant of Arrest sa kasong Rape na walang rekomendadong piyansa.
Ang matagumpay na operasyon ay bunga ng nagkakaisang layunin na hulihin ang mga Wanted Persons na nagkasala sa batas upang mapanatiling payapa at tahimik ang komunidad.
Panulat ni Patrolman Joshua Fajardo/RPCADU10
