Bukidnon – Arestado ang Top 1 Municipal Most Wanted Person sa kasong Statutory Rape sa Joint Operation ng Kitaotao Municipal Police Station at Quezon Municipal Police Station nito lamang ika-24 ng Agosto 2023.
Kinilala ni Police Captain Christopher Tuzara II, Officer-In-Charge ng Kitaotao Municipal Station, ang suspek na si alyas “Tata”, 23 at residente ng Purok 12 Sitio Lawari, Barangay Kitobo, Kitaotao, Bukidnon.
Bandang 8:41 ng umaga nang madakip ang suspek sa isinagawang Joint Police Operation ng tauhan ng Kitaotao Municipal Police Station katuwang ang Quezon Municipal Police Station at 2nd Bukidnon Provincial Mobile Force Company sa bisa ng Warrant of Arrest sa kasong Statutory Rape na walang rekomendadong piyansa.
Patuloy na isinasagawa ng Bukidnon PNP ang nagkakaisang layunin na hulihin ang mga Wanted Persons upang mapanatiling ligtas at payapa ang mga komunidad sa probinsya ng Bukidnon.
Panulat ni Patrolman Joshua Fajardo/RPCADU10
