Camarines Sur – Arestado ang isang lalaki na nakatalang Top 1 Municipal Most Wanted Person ng Tigaon, Camarines Sur sa isinagawang Manhunt Operation ng pinagsamang operatiba ng Camarines Sur PNP sa Sitio Orcine, Barangay Panagan, Tigaon, Camarines Sur nito lamang Mayo 8, 2023.
Kinilala ni Police Major Glen Alumit, Hepe ng Tigaon Municipal Police Station, ang naarestong akusado na si alyas “Aries”, 18, binata at residente ng Zone 6, Barangay Salvacion, Tigaon, Camarines Sur.
Ayon kay Police Major Alumit, bandang 2:40 ng hapon nang maaresto ang akusado ng pinagsanib na mga operatiba ng Tigaon MPS at Camarines Sur 2nd Provincial Mobile Force Company.
Ayon pa kay Police Major Alumit, naaresto ang akusado sa bisa ng Warrant of Arrest sa kasong 7 Counts of Rape na walang inirekomendang piyansa.
Patuloy ang pagpupursige ang Camarines Sur PNP sa paghuli sa mga taong may pananagutan sa batas sa tulong ng mamamayan para sa tahimik, ligtas at maunlad na komunidad.
Source: Tigaon Mps Csppo
