Bani, Pangasinan – Timbog ng Bani PNP ang Top 1 Municipal Most Wanted Person sa Brgy. Poblacion, Bani, Pangasinan nito lamang ika-11 ng Nobyembre, taong kasalukuyan.
Kinilala ni Police Major Dennis Cabigat, Chief of Police ng Bani PNP, ang suspek na isang lalaki at nasa 50 taong gulang, may asawa, businessman, at residente ng Brgy. Cabanatean, Mabini, Pangasinan.
Dagdag pa ni Police Major Cabigat, naaresto ang suspek sa Brgy. Poblacion, Bani, Pangasinan bandang 10:15 ng umaga ng mga operatiba ng Bani PNP bilang lead unit, Mabini PNP, Regional Intelligence Division – Police Regional Office 1, Provincial Intelligence Unit, at 1st Provincial Mobile Force Company, Alaminos City, Pangasinan.
Ayon pa kay Police Major Cabigat, nahaharap ang suspek sa kasong Frustrated Murder na may rekomendadong piyansa na Php200,000.
Ang operasyon ng PNP ay naging matagumpay dahil sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas.
Source: Bani Municipal Police Station
Panulat ni Pat. Viljon Anthony A. Comilang
