La Union – Timbog ng Bacnotan PNP ang Top 1 Municipal Most Wanted Person sa kasong Statutory Rape sa Brgy. Sayoan, Bacnotan, La Union, nito lamang ika-22 ng Agosto 2023.
Kinilala ni Police Major Felipe Ruiz, Jr., Hepe ng Bacnotan Police Station, ang suspek na si alyas “Tony”, 58 taong gulang, at residente ng Brgy. Burayoc, Bacnotan, La Union.
Ayon kay PMaj Ruiz Jr., naaresto ang suspek bandang 12:58 ng madaling araw ng pinagsamang pwersa ng Bacnotan PNP bilang lead unit at La Union Provincial Intelligence Unit sa bisa ng Warrant of Arrest.
Ayon pa kay PMaj Ruiz Jr., nahaharap ang suspek sa kasong Statutory Rape na walang rekomendadong piyansa.
Ang operasyon ng Bacnotan PNP ay naging matagumpay dahil sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas.
Source: Bacnotan Municipal Police Station
Panulat ni Patrolman Viljon Comilang
